Vestland skal følgje nasjonale målsettingar og strategiar for det vidare arbeidet for ei trygg og inkluderande russefeiring for alle.
Det vedtok hovudutval for opplæring og kompetanse 22. januar. Frå 2026 blir russefeiringa starta etter siste eksamen, og det vert tilrettelagt for at avgangselevane har ei felles feiring og ein stad å vere. På sikt er målet at russefeiringa startar når skuleåret er ferdig i midten av juni.